சர்வதேச நாணய நிதியத்திற்கு செல்ல வேண்டாம் என ஜனாதிபதிக்கு அறிவுரை வழங்கிய முட்டாள் யார்..?

அவரால் நாட்டிற்கு பெரும் சேதம் 

நாடு முழுவதும் அழிவு - வங்கிகள் விழும் நிலை  

சேமிப்புக் கணக்குகளில் உள்ள வைப்புத்தொகை கரைகிறது

பணவீக்கத்தை பொறுத்துக்கொள்ள முடியாது

சர்வதேச நாணய நிதியத்திற்குச் சென்று தேவையான கடன் வசதிகளைப் பெற்றுக் கொள்வதன் மூலம் கொடுப்பனவு நிலுவை நெருக்கடியைத் தீர்க்க முடியும் என்ற போதிலும், சர்வதேச நாணய நிதியத்திற்குச் செல்லாமல் நெருக்கடியைத் தீர்க்க வேறு வழி இருப்பதாக ஜனாதிபதிக்கு அறிவுரை வழங்கிய மூடன் யார்? இந்த வேலைத்திட்டத்திற்கு ஜனாதிபதி  ஒப்புக்கொண்டாரா? ?அதனால் நாட்டு மக்களுக்கு மாத்திரமன்றி தனது ஜனாதிபதி பதவிக்கும் பெரும் தீங்கு விளைவித்துள்ளது என அரசியல், சமூக பொருளாதார ஆய்வாளரும், மூத்த ஊடகவியலாளருமான விக்டர் ஐவன் தெரிவித்துள்ளார்.

நாட்டில் ஏற்பட்டுள்ள அரசியல், பொருளாதார மற்றும் சமூக நெருக்கடி தொடர்பில் மேலும் கருத்து தெரிவித்த அரசியல், சமூக பொருளாதார ஆய்வாளரும், மூத்த ஊடகவியலாளருமான விக்டர் ஐவன்,

"ஜனாதிபதி ஒரு பெரிய ஆணையுடன் ஆட்சிக்கு வந்தார், ஆனால் அந்த ஆணை இப்போது முற்றிலும் கரைந்து செல்கிறது.

சர்வதேச நாணய நிதியத்திற்குச் சென்று தேவையான கடன் வசதிகளைப் பெற்றுக் கொண்டாலும் அதனைத் தீர்க்க முடியும் என்ற நிலையிலேயே கொடுப்பனவு சமநிலை நெருக்கடி இருந்தது. ஜனாதிபதி யார் கூறிய அறிவுரையை ஒப்புக்கொண்டாலும் சர்வதேச நாணய நிதியத்திற்குச் செல்லாமல் நெருக்கடியைத் தீர்க்க வேறு வழி இருக்கிறது என்பது தெரிந்தோ தெரியாமலோ அவர் ஏற்றிருப்பதால் அதனால் நாட்டுக்கு மாத்திரமன்றி தனது ஜனாதிபதி பதவிக்கும் பாரிய சேதம் ஏற்பட்டுள்ளது.

அந்த முட்டாள்தனமான அழிவுக் கொள்கையானது முழு தேசத்தின் வீழ்ச்சிக்கும், செயல்பாட்டுத் திறனை முழுமையாக இழந்து, தோல்விக்கும், அராஜகத்திற்கும் வழிவகுக்கும். எதிர்காலத்தைப் பற்றியதாகத் தோன்றும் படம் மிகவும் மோசமாக உள்ளது. இலங்கையில் வங்கி முறைமையும் முற்றாக வீழ்ச்சியடையலாம். அதே நேரத்தில், சேமிப்புக் கணக்குகளில் வைப்புத்தொகை ஆவியாகலாம். பணவீக்கம் தாங்க முடியாத சுமையாக மாறும் மற்றும் பொருட்களை வாங்குவதற்கு தேவையான பணத்தின் அளவு பொருட்களின் அளவைப் போல பெரியதாக மாறும். மின்சாரம் மற்றும் போக்குவரத்துக்கான அத்தியாவசிய எரிபொருள் விநியோகம் முறிந்தால், முழுமையாக அனைத்தும் முறியும்.